我同阿伯早前一齊去咗接種 HPV 疫苗，亦即係廣為人知預防子宮頸癌嘅疫苗。香港喺早幾年就廣泛推廣女性，無論係中學生妹妹、人妻或者身為人母，年滿14歲或以上都應該自費去診所打呢枝疫苗。
既然係預防子宮頸癌嘅疫苗，咁又關阿伯咩事？點解阿伯都要打？ 因為 HPV 病毒係經過性行為、性器官接觸傳染。簡單嚟講，即係首感染係由男方傳染俾女方。感染此病毒嘅男性未必有表面症狀，亦只有極少數男性因體內HPV病毒病變而引致嚴重身體疾病。相對地，子宮頸癌喺全世界係第四常見嘅癌症。可惜接種 HPV 疫苗嘅男性少之又少，因此各地政府都建議女性打疫苗，自我保護。
身為一個負責任嘅男人、伴侶，係絕對應該要去接種 HPV 疫苗。當日幫我哋打針嘅護士亦都好欣賞阿伯嘅做法，提到暫時只有女學童可以免費接種此疫苗。瑞典政府正積極考慮通過所有符合年齡嘅學生，不論男女都應該強制性接種 HPV 疫苗。
Search